William နဲ့ Kate Middleton တို့ဟာ William ရဲ့ဦးလေးဖြစ်သူရဲ့ အပန်းဖြေစခန်းလေးမှာ အပေါ်ပိုင်ဗလာနဲ့နေစာလှုံနေတုန်း ပါပရာဇီတစ်ယောက်က ရိုက်သွားတဲ့ပုံဖြစ်ပါတယ်။
ဓာတ်ပုံတွေကို ပြီးခဲ့တဲ့ စက်တင်ဘာလ ၁၃ ရက်နေ့ထုတ် အီတလီမဂ္ဂဇင်းတစ်ဆောင်ဖြစ်တဲ့ Closer ဆိုတဲ့ မဂ္ဂဇင်းမှာ စတင်ဖေါ်ပြခဲ့ပါတယ် (Closer မဂ္ဂဇင်းဟာ ပြင်သစ်ဘာသာနဲ့ထုတ်ဝေပါတယ်)။ နောက် အီတလီထုတ် Chi ဆိုတဲ့ မဂ္ဂဇင်းမှာလည်း ဖေါ်ပြခဲ့ပါတယ်။ Closer နဲ့ Chi မဂ္ဂဇင်းတွေဟာ အီတလီဝန်ကြီးချုပ်ဟောင် ဘာလူစကိုနီနဲ့ ဆက်စပ်တဲ့မဂ္ဂဇင်းတွေလည်းဖြစ်ပါတယ်။
နောက် စက်တင်ဘာ ၂၀ ရက်နေ့မှာ ဒိန်းမတ် မဂ္ဂဇင်းတစ်ဆောင်ဖြစ်တဲ့ Se Og Hor ဆိုတဲ့ မဂ္ဂဇင်းကလည်း သူတို့နှစ်ယောက်ရဲ့ပုံတွေကို ပုံနှိပ်ဖေါ်ပြခဲ့ပါတယ်။ Closer မဂ္ဂဇင်းမှာတုန်းကတော့ အပေါ်ပိုင်းဗလာနဲ့ပုံတွေသာပါပေမဲ့ Se Og Hor ဆိုတဲ့ မဂ္ဂဇင်းမှာတော့ အောက်ပိုင်းဗလာနဲ့ပုံတွေပါ ပါလာပါတယ်။
William နဲ့ Kate တို့ကတော့ ပုံတွေနဲ့ပက်သက်ပြီး သူတို့ရဲ့ ကိုယ်ရေးကိုယ်တာလုံခြုံမှုဆို (Privacy) ကိုချိုးဖေါက်ခံရတာဖြစ်တယ်ဆိုပြီး ပြင်သစ်နိုင်ငံရဲ့ တရားရုံးတော်မှာ စက်တင်ဘာ ၁၇ ရက်နေ့ကစပြီး တရားဆွဲထားပါတယ်။ နောက်တစ်နေ့မှာပဲ ပြင်သစ်တရားရုံးဟာ Closer မဂ္ဂဇင်းကို ပုံတွေဆက်လက်ပုံမနှိပ်ဖို့ဆိုပြီး တားဝရမ်းထုတ်ခဲ့ပါတယ်။ .....
Closer မဂ္ဂဇင်းဟာ ပုံတွေဆက်လက်မထုတ်ဝေပဲ၊ ပုံတွေကို ပြင်သစ်တရားရုံးကို လွှဲပေးလိုက်ပါတယ်။ ဒါပေမဲ့ ဓာတ်ပုံတွေကိုရိုက်ခဲ့တဲ့ဓာတ်ပုံဆရာ ဘယ်သူဖြစ်တယ်ဆိုတာကိုတော့ ထုတ်ဖေါ်ပြောဖို့ ငြင်းဆန်ခဲ့ပါတယ်။ ပြင်သစ်ရဲ့ဥပဒေအရလည်း အဲလိုအတင်းအကြပ်မေးလို့မရပါတယ်။ အဲခုတော့ ဓာတ်ပုံကိုဘယ်သူရိုက်တယ်ဆိုတာကို ပြင်သစ်ရဲ့ အထူးရဲတွေက စုံစမ်းနေပါပြီ ...။
ပြင်သစ်ဓာတ်ပုံဆရာတစ်ဦးဖြစ်တဲ့ Valerie Suau ကတော့ Kate ရဲ့ ဘီကနီနဲ့ ပုံတွေကိုသူရိုက်ခဲ့ကြောင်းဝန်ခံထားပါတယ်။ ဒါပေမဲ့ အပေါ်ပိုင်းဗလာနဲ့ပုံတွေကိုတော့ သူမရိုက်ခဲ့ပါဘူးလို့ ငြင်းဆိုထားပါတယ်။ ......
No comments:
Post a Comment
Note: Only a member of this blog may post a comment.